ABŞ Dövlət Departamentinin sözçüsü Ned Prays, Kahramanmaraşdakı zəlzələlərin şiddətinə toxunaraq, “Bu zəlzələnin səbəb olduğu dağıntılara və insan tələfatına baxdığımızda, bu zəlzələ təkcə Suriya və Türkiyəni deyil, dünyanı da təsirləndirdi."
QHT.az xəbər verir ki, ABŞ Dövlət Departamentinin sözçüsü Ned Prays mətbuat konfransında Türkiyədə baş verən və Suriyanı da vuran zəlzələlərə toxunub. Sözçü Prays, “Ölənlərin sayının artdığını görməyə davam edərkən, Türkiyə və Suriya xalqına bir daha səmimi başsağlığı vermək istərdim. Bu faciənin görüntüləri çox dərindir və biz ehtiyacı olanlara kömək etmək üçün hər gün çalışırıq. Onun yaratdığı dağıntılara və insan həyatındakı itkilərə nəzər salsaq, bu zəlzələ təkcə Suriya və Türkiyəni deyil, bütün dünyanı təsirləndirib”.
ABŞ-ın axtarış-xilasetmə və yardım səylərini dəstəkləməyə və əlavə avadanlıq və qaynaqları səfərbər etməyə davam etdiyini bildirən Prays, "Fövqəladə çətin şəraitdə gecə-gündüz çalışan yardım qruplarının və xilasedicilərin inanılmaz fədakarlığını yüksək qiymətləndiririk" dedi.
