TikTok-un "Dubay şokoladı" trendi beynəlxalq püstə çatışmazlığına səbəb olur
“Dubay şokoladı” sosial mediada çılğın populyarlıq qazandı – püstə qıtlığına səbəb oldu.
QHT.az xəbər verir ki, yaşıl püstə içlikli südlü şokolad barı, 2023-cü ilin sonlarında sosial mediada yayılan videolardan sonra qlobal fenomenə çevrilib. “Can’t Get Knafeh of It” adlı bu desert BƏƏ-də fəaliyyət göstərən Fix şirkəti tərəfindən hazırlanıb və yalnız yerli satışa çıxarılıb. TikTok-da yayılan ilk video 120 milyondan çox baxış toplayıb, nəticədə püstəyə olan tələbat artaraq qiymətlərin bir il ərzində 7.65 dollardan 10.30 dollara qalxmasına səbəb olub. ABŞ və İranın püstə ixracı çətinləşib, yüksək keyfiyyətli məhsullar isə əsasən qabıqlı halda satışa çıxarılıb. İran isə BƏƏ-yə ixracını 40% artırıb.
Läderach və Lindt kimi dünya brendləri də püstəli şokoladlar istehsal etməyə başlayıblar, lakin artan tələbatı qarşılamaq çətinləşib. Prestat Group-un rəhbəri bu tendensiyanın qəfil və sürətli yayıldığını bildirib. Bəzi mağazalar məhsulun satışına limit qoymağa başlayıb. Bu fenomen ya sosial medianın gücünü, ya da püstəli şokoladın cazibəsini sübut edir.
R.İmanov