ABŞ-da səhiyyə işçiləri kütləvi şəkildə ixtisar edilir
ABŞ prezidenti Donald Trampın administrasiyası federal hökumətin işçi qüvvəsini ixtisar etmək kampaniyası çərçivəsində səhiyyə müəssisələrində 10 min işçini işdən çıxarmağa başlayıb.
QHT.az xəbər verir ki, bu ixtisarlar ABŞ Qida və Dərman İdarəsi (FDA), Xəstəliklərə Nəzarət və Qarşısının Alınması Mərkəzləri (CDC) və Milli Sağlamlıq İnstitutları (NIH) kimi qurumlara təsir edib. Səhiyyə naziri Robert Kennedi bu addımı bürokratiyanı azaltmaq üçün zəruri sayıb. İşdən çıxarılanlar arasında ictimai sağlamlıq, xərçəng araşdırmaları və peyvənd nəzarəti ilə məşğul olan alimlər də var. Bu, qızılca epidemiyası və quş qripi kimi fövqəladə hallara reaksiyanı çətinləşdirə bilər.
FDA-nın yüksək səviyyəli rəsmiləri, o cümlədən Yeni Dərmanlar Ofisinin direktoru Peter Stein və Tütünlə Mübarizə Mərkəzinin rəhbəri Brayan Kinq də vəzifələrindən uzaqlaşdırılıb. Keçmiş FDA komissarı Robert Califf bu ixtisarları tarixi səhv adlandırıb.
R.İmanov