Qəhrəman şəhidimiz mayor Taleh Kərimovun anım günüdür
Azərbaycan Silahlı Qüvvələrinin mayoru olan Taleh Kərimov 44 günlük Vətən müharibəsi zamanı Füzulinin, Cəbrayılın və Qubadlının azadlığı uğrunda gedən döyüşlərdə savaşıb və oktyabrın 30-da Qubadlı istiqamətində döyüştapşırığını yerinə yetirərkən qəhrəmancasına şəhid olub.
QHT.az xəbər verir ki. o, 1985-ci il martın 6-da Sumqayıt şəhərində anadan olub. 2003–2007-ci illərdə Heydər Əliyev adına Azərbaycan Ali Hərbi Məktəbində (AAHM) "Kəşfiyyatçı" ixtisası üzrə hərbi təhsil alıb. 2007-ci ilin iyun ayından 2008-ci ilin iyun ayına qədər Azərbaycan Silahlı Qüvvələrinin Təlim və Tədris Mərkəzində "Zabit" ixtisası üzrə təlimlərdə iştirak edən Taleh Kərimov 2008-ci ildən Azərbaycan Ordusunda xidmət etməyə başlayıb.
Taleh Kərimov göstərdiyi qəhrəmanlığa görə Azərbaycan Respublikasının Prezidenti İlham Əliyevin Sərəncamına əsasən ölümündən sonra "Vətən uğrunda", "Qubadlının azad olunmasına görə", "Cəbrayılın azad olunmasına görə", "Füzulinin azad olunmasına görə" medalları və "Qarabağ" ordeni ilə təltif edilib.
Ruhu şad olsun!