Azərbaycanın Milli Qəhrəmanı - şəhid Tahir Həsənovun anım günüdür
Azərbaycanın Milli Qəhrəmanı Tahir Həsənov 1992-ci ilin 2 sentyabr tarixində Çıldıran yüksəkliyi uğrunda gedən döyüşlərdə iştirak edən Tahir Həsənov on döyüşçü ilə bərabər pusquya düşüb. O, düşmənə əsir düşməmək üçün özünü qumbara ilə partladaraq xeyli sayda düşmən əsgərini məhv edib və qəhrəmancasına şəhid olub.
QHT.az xəbər verir ki, Tahir Həsənov 22 fevral 1970-ci ildə Bakı şəhərində anadan olub. 1988-1990-cı illərdə hərbi xidmətdə olub. 1990-cı ildə Bakı Dövlət Universitetinin tarix fakültəsinə daxil olub, lakin ermənilərin tarixi Azərbaycan torpaqlarına hücumlarının başlanmasından sonra ailənin tək uşağı olmasına baxmayaraq ikinci kursda təhsilini yarıda qoyaraq könüllü olaraq Vətənin müdafiəsinə qalxıb. Tahir Həsənov əsgərlikdə olarkən desant olduğu üçün kəşfiyyat qrupuna komandir təyin edilib və Ağdərə, Başkənd, Meşəli, Çıldıran əməliyyatlarında qəhrəmancasına vuruşub.
Azərbaycan Respublikası Prezidentinin 19 oktyabr 1992-ci il tarixli fərmanı ilə Həsənov Tahir Tofiq oğlu ölümündən sonra "Azərbaycanın Milli Qəhrəmanı" adına layiq görülüb.
Ruhu şad olsun!