“Addım” Gənclərin Təşəbbüsünə Dəstək İctimai Birliyi Azərbaycan Respublikasının QHT-lərə Dövlət Dəstəyi Agentliyinin maliyyə dəstəyi ilə “Regionlarda erkən nikah hallarının azaldılmasına dəstək verilməsi” layihəsini Tərtər rayonunda uğurla davam etdirir. 

12.04.2023-cü il saat 10.00 da  Tərtər rayonunda Ailə,Qadın və Uşaq Problemləri üzrə Qadın Komitəsinin  Tərtər rayon Qadın Resurs Mərkəzində   layihə çərçivəsində  “Yarımçıq təhsil, erkən nikah, qanunsuz kəbin və gender problemi” mövzusunda dəyirmi masa keçirildi.Tədbiri giriş sözü ilə Tərtər  rayon İcra Hakimiyyətinin İctimai –Siyasi və Humanitar məsələlər şöbəsinin baş məsləhətçisi  Rəqsanə xanım Quliyeva   açdı .O qonaqları təqdim etdi və mövzunun aktuallığını qeyd etdi. Belə bir layihənin maliyyələşdirdiyinə görə Azərbaycan Respublikası QHT-lərə Dövlət Dəstəyi  Agentliyinə təşəkkür etdi. Layihə rəhbəri Ş.Dadaşzadə layihənin donoru və icraçı təşkilat haqda məlumat verdikdən sonra layihəin məqsədlərini açıqladı.
Tədbirdə  erkən nikah problemi ilə bağlı aparılan elmi-analitik araşdırmalar və bu problemin qarşısının alınması məqsədilə son illərdə həyata keçirilən tədbirlər, habelə mübarizə yolları barədə iştirakçılara məlumat verildi.
 Sonra mövzu ətrafında müzakirələr oldu.
Tədbirdə layihənin eksperti T.Dadaşov ,psixoloq Aliyə İmanova ,Tərtər Rayon İH –nin Yetkinlik yaşına çatmayanların işləri və hüquqlarının müdafiəsi üzrə komisyanın məsul katibi Rəvan Həsənov , Yetkinlik yaşına çatmayanların işləri və hüquqlarının müdafiəsi üzrə komisyanın uşaqlarla iş üzrə məsləhətçi psixoloqu Pərişan xanım Orucova, RGM İb-nin sədri Ş.Dadaşova çıxış etdilər.Və iştirakçıların suallarını cavablandırdılar. Yekun olaraq iştirakçılar  maarifləndirmənin genişləndirilməsini hər kənddə, küçədə maarifləndirmə aparmanın vacibliyini vurğuladılar. 

Yekunda xatirə şəkli çəkildi.  Layihə rəhbəri Tərtər rayon İH-nin bütün əməkdaşlarına onlara yaradılan şəraitə görə təşəkkür etdi. İştirakçılar Azərbaycan Respublikasının QHT-lərə Dövlət Dəstəyi Agentliyinə və “Addım” Gənclərin Təşəbbüsünə Dəstək İctimai Birliyinə onların ərazisində maarifləndirmə aparıldığına görə təşəkkür etdilər.