Doktor Andrea Lynn Roberts və ABŞ-dan olan ginekoloji onkologiya professoru Anil Soodun fikrincə, stressin xərçəngə tutulma riskinə təsiri onun ürək və qan damarları üçün təhlükəsi qədər əhəmiyyətli deyil. 

QHT.az xəbər verir ki, mütəxəssislər qeyd ediblər ki, son illərdə stress və xərçəng arasında əlaqənin tapılmasına yönəlmiş araşdırmaların sayı xeyli artıb. Bəzi araşdırmalar göstərir ki, boğaz, qırtlaq, burun, dil, sinuslar və mədəaltı vəzi xərçəngi olan insanlar tez-tez xəstəliyinə diaqnoz qoyulmazdan beş il (və ya daha az) əvvəl stresli hadisələrlə qarşılaşırlar. Digər tədqiqatlar mənfi həyat hadisələri ilə xərçəngin xüsusi növlərinin (məsələn, döş) inkişaf riski arasında heç bir əlaqə tapmadı.

Xərçəng tədqiqatçısı Andrea Lynn Roberts qeyd edir ki, stresli hadisələr əslində ciddi sağlamlıq problemlərinin yaranma ehtimalını artıra bilər. Lakin emosional stress nəticəsində ürək xəstəliklərinin inkişaf riski xərçəngdən qat-qat yüksəkdir. Həkimin sözlərinə görə, qısamüddətli stress keçirən insanlar narahat olmamalıdır.

Bununla belə, onkoloq Anil Soodun fikrincə, xroniki (daimi) stress immun sistemini poza bilər, bu da onun şiş hüceyrələrini tanımaq və məhv etmək qabiliyyətinin zəifləməsinə səbəb olur. Həkim əlavə edib ki, zəiflədən emosional stress dolayı yolla xərçəngə tutulma riskini artırır, həzm problemləri, diabet və ürək xəstəliklərinə səbəb olur.

 

Pərvanə Fərhadqızı