Astanada “Sarap” ekspert klubunun “Konstitusiya və həyat keyfiyyəti: islahatların sosial effektini necə ölçməli?” mövzusunda iclası keçirilib.
Müzakirələrdə akademik ictimaiyyətin nümayəndələri, dövlət analitik mərkəzlərinin və özəl tədqiqat təşkilatlarının təmsilçiləri iştirak ediblər.
İştirakçılar konstitusion prinsiplərin vətəndaşların həyat keyfiyyətinə təsirini və Əsas Qanunun yeni redaksiyası kontekstində islahatların sosial effektinin qiymətləndirilməsi mexanizmlərini nəzərdən keçiriblər. Həmçinin sosial siyasətin səmərəliliyi və məsuliyyət mədəniyyətinin formalaşdırılması məsələlərinə toxunulub.
Qeyd edilib ki, Konstitusiya cəmiyyətin inkişaf şərtlərini və vətəndaşların rifah səviyyəsini müəyyən edən institusional əsas kimi çıxış edir. Bu baxımdan həyata keçirilən islahatların sosial effektinin ölçülməsi və düzgün şərh edilməsi məsələsi əsas əhəmiyyət kəsb edir.
İclasın yekununda islahatların sosial effektinin qiymətləndirilməsi üzrə milli sistemin hazırlanması, sübuta əsaslanan siyasət prinsiplərinin tətbiqinin genişləndirilməsi və həyat keyfiyyətinin ölçülməsi üzrə beynəlxalq metodikaların tətbiqi təklif olunub.
