Dünyada kakao paxlasının bazar qiyməti bir həftədən az bir müddətdə 500 dollar artdı və bir ton üçün 5,5 min dollardan çox yeni tarixi rekorda çatdı.
QHT.az xəbər verir ki, fevralın 2-də bir ton kakao paxlasının birja qiyməti 1977-ci ildən bəri ilk dəfə olaraq 5 min dollara çatıb. Ticarəti zamanı kakao paxlasının tədarükü üzrə mart fyuçerslərinin maksimal qiyməti bir ton üçün 5578 dollara çatıb. 1977-ci ildə müəyyən edilmiş əvvəlki tarixi maksimum bir ton üçün 5,4 min dollar idi.
Beynəlxalq Kakao Təşkilatı yanvar ayında bildirdi ki, dünyada iki ildir davam edən kakao paxlası qıtlığı 2024-cü ildə də davam edəcək, Qırmızı dənizdə daşınma ilə bağlı çətinliklər isə bu xammal üçün mövcud qiymətlərin yüksəlməsi tendensiyasını dəstəkləyəcək. Keçən il kakao paxlasının orta qiymətləri 38% artaraq dekabrın sonunda pik həddinə çataraq bir ton üçün 4300 dollar təşkil edib. O vaxtdan bəri bu xammalın dəyəri daha 30% artıb.
Pərvanə Fərhadqızı
