ABŞ dövlət katibi Antoni Blinken Türkiyəyə qabaqcıl yardım dəstəyinin yolda olduğunu və yaxın günlərdə bölgənin mümkün ehtiyacları üçün Türkiyə ilə təmasda olduqlarını açıqladı.
QHT.az xəbər verir ki, Blinken, episentri Kahramanmaraşın Pazarcık və Elbistan rayonlarında olan və 10 əyaləti əhatə edən 7,7 və 7,6 bal gücündə zəlzələlərdən sonra açıqlama verib.
“Birləşmiş Ştatlar bu gün baş verən zəlzələlər nəticəsində Türkiyədə və Suriyanın hər yerində faciəvi insan itkisi və dağıntılardan dərin kədər hissi keçirir” - deyə qeyd etdi.
Blinken həyatını itirənlərin ailələrinə başsağlığı verərək, “Hərtərəfli müdaxilə variantlarımızı qiymətləndiririk.
Komandama bölgənin nəyə ehtiyacı olduğunu müəyyən etmək üçün yaxın günlərdə türk müttəfiqlərimiz və humanitar tərəfdaşlarımızla sıx əlaqə saxlamağı tapşırmışam.
Türkiyəyə ilk yardım dəstəyimiz yoldadır”.
Blinken isə Suriyadakı ABŞ-ın dəstəklədiyi humanitar təşkilatların ölkə daxilində baş verən zəlzələlərin yaratdığı dağıntılara müdaxilə etdiyini və bu zəlzələlərdən zərər çəkənlərə kömək edəcəyini qeyd edib.
