Xəbərlər 19.03.2025 12:15 366

Google 32 milyard dollara kibertəhlükəsizlik startapını satın alıb

Şirkətin ən böyük alışı 2012-ci ildə Motorola Mobility-nin 12,5 milyard dollara alınması olub.

QHT.az xəbər verir ki, Google İsrailin bulud təhlükəsizliyi üzrə ixtisaslaşan Wiz startapını 32 milyard dollara satın aldığını elan edib. Bu şirkətin indiyə qədər startap üçün ödədiyi ən böyük məbləğdir və 2012-ci ildə Motorola Mobility-nin 12,5 milyard dollara alınmasından təxminən üç dəfə çoxdur. Əgər tənzimləyicilər etiraz etməsə, müqavilə gələn il tamamlanacaq və Wiz Google Cloud-un bir hissəsinə çevriləcək. Bu alış Google-un Amazon, Microsoft və Oracle kimi rəqiblərlə daha güclü rəqabət aparmasına imkan verəcək.

Wiz 2020-ci ildə keçmiş Microsoft işçiləri tərəfindən yaradılıb və son illərdə İT sektorunda sürətlə böyüyən şirkətlərdən birinə çevrilib. Google keçən il Wiz-i 23 milyard dollara almağa çalışsa da, qiymət razılaşmazlığı səbəbindən sövdələşmə baş tutmamışdı. Bu dəfə isə müqavilənin əsas təşəbbüskarı Google Cloud-un rəhbəri Tomas Kurian olub.

 

R.İmanov


Paylaş
QHT TV
Elanlar
Son xəbərlər
Qrantlar
Təbriklər
Başsağlığı