UNEC-də neft sənayesi üçün yeni tədqiqat mərkəzi yaradılıb
Azərbaycan Dövlət İqtisad Universitetində (UNEC) neft sənayesinin inkişafına dəstək məqsədilə “Karbohidrogenlərin İstehsalı, Daşınması və Emalında Resursa Qənaət Edən Texnologiyalar” adlı yeni tədqiqat mərkəzi yaradılıb.
QHT.az xəbər verir ki, Mərkəz, neft sənayesində resurslardan səmərəli istifadə üçün innovativ həllərin hazırlanması, elmi tədqiqatlar aparılması və beynəlxalq müsabiqələrdə iştirak etməklə yanaşı, tədris və laboratoriya işlərinə dəstək verməyi hədəfləyir. Təqdim olunan tədqiqat nəticələrinin beynəlxalq jurnallarda dərc edilməsi də əsas prioritetlərdəndir.