Xəbərlər 29.11.2023 12:05 1534

DSMF Beynəlxalq Pensiyaların İdarə Edilməsi İnstitutunun müsabiqəsinin qalibi oldu

Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu (DSMF) növbəti beynəlxalq nailiyyət əldə edib.

 

Bu dəfə DSMF Beynəlxalq Pensiyaların İdarə Edilməsi İnstitutunun təşkil etdiyi “Pinnacle Awards 2023” beynəlxalq müsabiqəsinin qalibi olub.

 

Müsabiqədə “Cəmiyyətə Təsir” nominasiyası üzrə qalib gələn DSMF Londonda (Böyük Britaniya) keçirilən təltifetmə mərasimində ali mükafata layiq görülüb. 

    

Son illər ölkəmizdə aparılan sosial islahatların bir istiqaməti də DSMF-ni əhatə edib. Fondun fəaliyyətində inzibati idarəetmə xidmət modeli ilə əvəzlənib, idarəçilik və xidmətlərin müasir, innovativ texnologiyalar, optimal, şəffaf iş mexanizmləri üzərində qurulması, xərclərin optimallaşdırılması, sosial ödənişlərin e-qaydada proaktiv təyin olunması, ödənişlərdə çeviklik təmin edilib. 

    

Eyni zamanda, DSMF sərbəst vəsaitlərini investisiyaya yönəltmək təcrübəsinə başlamaqla maliyyə dayanıqlığının gücləndirilməsi və maliyyə risklərinin çevik idarə olunması istiqamətində yeni effektiv mexanizmə yiyələnib. 

 

DSMF-nin qeyd edilən islahatları beynəlxalq səviyyədə də maraqla qarşılanaraq yüksək qiymətləndirilir.  

 

2022–2023-cü illərdə Fond ümumilikdə 15 (o cümlədən bu il 10) beynəlxalq mükafatla təltif edilib. 

 

Həmçinin son 3 ildə DSMF 5 beynəlxalq ISO sertifikatı ilə təltif olunaraq fəaliyyətini hazırda həmin standartların tələblərinə uyğun həyata keçirir.


Paylaş
QHT TV
Elanlar
Son xəbərlər
Qrantlar
Təbriklər
Başsağlığı