Naxçıvanda Azərbaycan Prezidenti İlham Əliyevin Türkiyə Prezidenti Rəcəb Tayyib Ərdoğan ilə təkbətək görüşü başlayıb.
QHT.az xəbər verir ki, iqtisadçı ekspert Vüqar Bayramov bildirib ki, bütün sahələrdə starteji əməkdaşlığı möhkəmləndirən iki qardaş ölkə iqtisadi sferada da geniş əlaqələrə malikdir: "2016-cı ildən başlayaraq iki ölkə arasında ticarət dövriyyəsi hər il əvvəlki ilə nisbətən artıb. 2022-ci ildə ölkələr arasındakı dövriyyəsi 5 milyard 842 milyon dollar olmuşdursa, artıq bu ilin ilk 7 ayında 4 milyard 746 milyon dollarlıq ticarət qeydə alınıb. Bu o deməkdir ki, 2023-cü ildə də Türkiyə və Azərbaycan arasındakı ticarət dövriyyəsində əvvəlki ilə nisbətən artım qeydə alınacaq. Dünyada Türkiyə və Azərbaycan qədər yaxın olan hər hansı başqa iki ölkə yoxdur. Türkiyə Prezidentinin son səfəri yalnız iqtisadi və enerji əməkdaşlığı baxımdan deyil, bütövlükdə strateji aspektdən olduqca vacibdir".
Pərvanə Fərhadqızı
