“Reklam və Marketinq Sahəsinin İnkişafa Dəstək” İctimai Birliyi görüş keçirdi
Bu gün “Reklam və Marketinq Sahəsinin İnkişafa Dəstək” İctimai Birliyində məhsuldar görüş təşkil olunub. Görüşdə birliyin sədri Xəyala Mütəllimova və Ticarət və Ümumi İstehsalat İşçiləri Birliyinin (TÜİB) sədri Hüseyn Böyükfirat iştirak ediblər.
QHT.az xəbər verir ki, görüş zamanı əməkdaşlıq, birgə layihələr və gələcəkdə həyata keçiriləcək təşəbbüslər müzakirə olunub. Qarşılıqlı əlaqələrin gücləndirilməsi və yeni imkanların yaradılması istiqamətində konkret addımların atılması planlaşdırılır.
İştirakçılar yeni mərhələnin başlanğıcını qeyd edərək, əməkdaşlıq və inkişaf perspektivlərinin genişləndirilməsi üçün birgə səylərin vacibliyini vurğulayıblar.
Pərvanə Fərhadqızı