Əlilliyi müəyyən edilmiş uşaqların Abşeron rayon Heydər Əliyev Mərkəzinə ekskursiyası təşkil edilib
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin Abşeron Sosial Xidmət Mərkəzində göstərilən xidmətlərdən yararlanan 18 yaşınadək əlilliyi müəyyən edilmiş uşaqlar üçün Abşeron rayon Heydər Əliyev Mərkəzinə ekskursiya təşkil edilib.
“Heydər Əliyev uşaqların gözü ilə” adlı ekskursiya zamanı iştirakçılara dahi liderin həyatı və fəaliyyəti barədə məlumat verilib, Heydər Əliyevin uşaq hüquqlarına və onlara göstərilən qayğıya xüsusi diqqət ayırdığı vurğulanıb. Sonra uşaqlar Ulu Öndər Heydər Əliyevin həyat yolunu əks etdirən qısa filmlə tanış olublar.
Bu kimi tədbirlər, həssas qruplardan olan uşaqların ictimai inklüziyasını təmin etmək, asudə vaxtlarını səmərəli keçirmək və dünyagörüşlərini genişləndirmək məqsədi daşıyır.