Növbəti “Poliqon” gənclərin hərbi-vətənpərvərlik düşərgəsi baş tutub - VİDEO
Gənclər və İdman Nazirliyinin təşkilatçılığı ilə Goranboy Olimpiya İdman Kompleksində növbəti “Poliqon” gənclərin hərbi-vətənpərvərlik düşərgəsi baş tutub.
QHT.az xəbər verir ki, Azərbaycan Dövlət İqtisad Universitetinin (UNEC) tələbələrinin iştirak etdiyi düşərgə hərbi simulyativ formatda keçirilib. Gənclər üçün maraqlı hərbi təlimlər, idman və hərbi-idman oyunları, intellektual oyunlar, həmçinin "Məclisi-üns" bədii gecəsi təşkil edilib. Düşərgədə fəxri qonaq olaraq Vətən Müharibəsi Qəhrəmanı Qəzənfər Ağayev və Olimpiya mükafatçısı Həsrət Cəfərov da gənclərlə birgə olub.