Uşaq Səfirləri “Viveka Innovation Fest”də Layihələri ilə qaliblər arasında
Uşaq Səfirlər Məclisinin nümayəndələri “Viveka Innovation Fest”də 3 qalib komandadan biri olub.
QHT.az xəbər verir ki, Uşaq Səfirlər Məclisinin İKT departamentinin üzvü Tunar Məmmədli və Məclisin Gəncə üzrə regional nümayəndəsi Hüseyn İsmayılov “PASHA Holding”in sponsorluğu, İnnovasiya və Rəqəmsal İnkişaf Agentliyinin təşəbbüsü ilə Türkiyənin qabaqcıl startap akseleratoru olan “Viveka” tərəfindən həyata keçirilən təlimlərdə startaplarının MVP (Minimum Viable Product) səviyyəsinə çatması üçün zəngin nəzəri və praktiki biliklər əldə edərək “Viveka Company Creation Program”ının məzunları arasından seçilən 3 qalib komandadan biri olublar.
Nümayəndələrimiz Proqram müddətində təkmilləşdirdikləri “ClassVRoom” adlı layihə ilə qalib olublar.