Hindistanda dünyanın ən böyük seçkiləri başlayır
Parlamentin aşağı palatası Lok Sabhada (Xalq Evi) 543 yer uğrunda mübarizə aparılacaq. Hakim partiya olmaq üçün partiya və ya koalisiyaya sadə səs çoxluğu - ən azı 272 yer lazımdır. Ölkə 28 ştatda və səkkiz ittifaq ərazisində müxtəlif seçki dairələrində tək-tək səsvermənin yeddi mərhələsi ilə üzləşəcək: 19 aprel, 26 aprel, 7 may, 13 may, 20 may, 25 may və 1 iyun. Nəticələr yalnız iyunun 4-də məlum olacaq. Bu, dünyada ən uzun səsvermədir.
QHT.az xəbər verir ki, seçkilər qeydə alınmış seçicilərin sayına görə daha bir dünya rekordu müəyyənləşdirib: 18 yaşından yuxarı bütün vətəndaşlar səsvermə hüququna malikdir. Hindistan Seçki Komissiyasının (ECI) məlumatına görə, 968 milyon insan səsvermə hüququna malikdir - onlardan 497 milyonu kişi, 471 milyonu qadındır.
Pərvanə Fərhadqızı