Çörək artıq çəkinin birbaşa səbəbi deyil
Britaniyalı dietoloqlar Helen Bond və Əzminə Qovindji bildiriblər ki, çörəyin bir çox insanda normal olaraq şişkinliyə səbəb olmur. Həmçinin, bu məhsul çəki artımının birbaşa səbəbi deyil.
QHT.az xəbər verir ki, Bond, bir çox insanın kilo alması və şişkinliklə bağlı narahatlıqlar səbəbiylə çörəyi pəhrizindən çıxardığını söylədi. Dietoloqun sözlərinə görə, çölyak xəstəliyi (taxıl zülalına, qlütenə qarşı dözümsüzlük) yüz nəfərdən birində baş verir. Buğda bəzən həssas bağırsaqları olan bəzi insanlarda şişkinliyə səbəb ola bilər. Bununla belə, çörək əksər insanlar üçün təhlükəsizdir.
Zavodda qablaşdırılan çörək ultra emal olunmuş qida məhsulu kimi təsnif edilir. Bununla belə, bütün çörək növləri emulqator və konservantların olmasına baxmayaraq sağlamlığa mənfi təsir göstərmir. Dietoloq qeyd etdi ki, kəpəkli çörək balanslaşdırılmış pəhrizə əla əlavə ola bilər.
Qidalanma mütəxəssisi Əzminə Qovindji də bildirdi ki, supermarketlərdə satılan təzə taxıl çörəyindən qorxmaq lazım deyil. Çəki almamaq üçün çörəyi ölçülü yemək vacibdir. Lif az olan ağ çörəyi sevənlər günəbaxan tumları ilə yeyə bilərlər. Bu, bədəni lazımi pəhriz lifi ilə təmin edəcəkdir.
Pərvanə Fərhadqızı