Quba Şahdağ Truskaves Mərkəzində Vətən uğrunda canlarından keçmiş qəhrəman şəhidlərimizin ailə üzvləri ilə növbəti görüş keçirilib. Görüşün məqsədi şəhid ailələrinin qayğıları ilə yaxından maraqlanmaq, onlara mənəvi dəstək göstərmək və mövcud məsələlərin müzakirəsini aparmaq olub.
Tədbirdə çıxış edənlər şəhidlərimizin göstərdikləri qəhrəmanlıqlardan bəhs edərək, onların əziz xatirəsinin daim ehtiramla yad edildiyini vurğulayıblar. Bildirilib ki, şəhid ailələrinin sosial rifahının yaxşılaşdırılması və onların cəmiyyət tərəfindən hər zaman diqqət və qayğı ilə əhatə olunması mühüm vəzifələrdən biridir.
Görüş zamanı şəhid ailələrinin fikir və təklifləri dinlənilib, onları maraqlandıran məsələlər ətrafında müzakirələr aparılıb. Eyni zamanda, şəhid ailələrinə göstərilən dəstəyin bundan sonra da davam etdiriləcəyi qeyd olunub.
Sonda şəhidlərimizin əziz xatirəsi bir dəqiqəlik sükutla yad edilib, ailələrə dərin ehtiram və minnətdarlıq ifadə olunub. Tədbir səmimi söhbət və fikir mübadiləsi şəraitində başa çatıb.
