Telegram ukraynalılar, ruslar və belaruslar üçün dəyişikliklər elan etdi
Sosial şəbəkə Ukrayna, Rusiya Federasiyası və Belarusdan olan istifadəçilərə həmsöhbətlər dairəsini məhdudlaşdırmağa imkan verəcək.
QHT.az xəbər verir ki, gələn həftənin əvvəlindən Rusiya, Ukrayna və Belarusdan olan bütün istifadəçilər Telegram- da onlara şəxsi mesaj göndərə bilənlərin dairəsini məhdudlaşdıra biləcəklər. Bu barədə sosial şəbəkənin yaradıcısı Pavel Durov məlumat verib. Onun sözlərinə görə, 4 gün əvvəl messencerin rusdilli istifadəçiləri “tanımadığı şəxslərin terror aktlarına çağıran mesajlarından şikayət etməyə başlayıblar”. Buna görə də, şəbəkə rəhbərliyi indi “belə spamları daha da effektiv şəkildə filtrləmək üçün süni intellektə əsaslanan həllər” tətbiq edir.
“Belə şikayətlər daxil olduqdan sonra bir saat ərzində biz bu fəaliyyətin qarşısını almaq üçün bir sıra texniki tədbirlər və təşkilati tədbirlər həyata keçirdik.Nəticədə on minlərlə belə mesaj göndərmək cəhdi dayandırıldı və bu fləşmobda iştirak edən minlərlə istifadəçi problemlə üzləşdi. Onların Telegram hesablarının daimi bloklanması Telegram spam göndərişləri və zorakılıq çağırışları üçün yer deyil”, – Durov qeyd edib.
Pərvanə Fərhadqızı