NATO-nun Ukraynada missiyası yaradılacaq
NATO Ukraynaya dəstək missiyası yaradacaq. Bunu Polşanın xarici işlər naziri Radoslav Sikorski Şimali Atlantika Alyansının xarici siyasət idarələrinin rəhbərlərinin Brüsseldə keçirilən görüşündən sonra deyib.
QHT.az xəbər verir ki, Polşa Xarici İşlər Nazirliyi diplomatının sözlərinə görə, Ukraynada NATO missiyası yaratmaq qərarına gəldik. Bu o demək deyil ki, biz müharibəyə gedəcəyik, lakin indi biz Ukraynaya daha koordinasiyalı şəkildə dəstək vermək üçün alyansın koordinasiya, təlim və planlaşdırma imkanlarından istifadə edə biləcəyik.
Bir gün əvvəl Sikorski NATO xarici işlər nazirlərinin Brüssel görüşündən əvvəl belə bir missiya yaratmağı planlaşdırdığını açıqlamışdı. O qeyd edib ki, bu missiya Ukraynada döyüş əməliyyatlarında iştirak etməyəcək.