Qəhrəman şəhidimiz Zaur Ələsgərlinin anım günüdür
Azərbaycan Hərbi Dəniz Qüvvələrinin xüsusi təyinatlı giziri olan Zaur Ələsgərli Su Altı Hücum (SAH) Xüsusi Təyinatlı Qüvvələrinin giziri olub, 44 günlük Vətən müharibəsi zamanı Cəbrayılın, Füzulinin, Qubadlının və Xocavəndin azadlığı uğrunda gedən döyüşlərdə savaşıb və oktyabrın 31-də döyüş tapşırığını yerinə yetirərkən qəhrəmancasına şəhid olub.
QHT.az xəbər verir ki, o, 1995-ci il martın 5-də Sumqayıt şəhərində anadan olub. 2013-2014-cü illərdə müddətli həqiqi hərbi xidmətdə olub. 2016-2018-ci illərdə Azərbaycan Hərbi Dəniz Qüvvələrinin, 2018-ci ildən etibarən isə Xüsusi Təyinatlı Qüvvələrin sıralarında müddətdən artıq həqiqi hərbi xidmət qulluqçusu kimi xidmət edib.
Zaur Ələsgərli göstərdiyi qəhrəmanlığa görə Azərbaycan Respublikasının Prezidenti İlham Əliyevin Sərəncamına əsasən ölümündən sonra "Vətən uğrunda", "Füzulinin azad olunmasına görə", "Cəbrayılın azad olunmasına görə", "Xocavəndin azad olunmasına görə, "Qubadlının azad olunmasına görə" medalları və "Qarabağ" ordeni ilə təltif edilib.
Ruhu şad olsun!