ABŞ-da bir qrup yeniyetmə lüks avtomobilləri oğurlayıb
ABŞ-da yeniyetmələr avtomobil mağazasını qarət edib və dayanacaqdan doqquz dəbdəbəli avtomobil oğurlayıblar.
QHT.az xəbər verir ki, oğurluq hadisəsi səhər tezdən Çikaqoda baş verib. Yetkinlik yaşına çatmayanlar tərəfindən oğurlanan avtomobillərin məbləği təxminən 600 min dollar qiymətləndirilir. Polis indiyədək cinayətin iştirakçılarından yalnız birini saxlamağa nail olub. Onun 17 yaşlı yeniyetmə olduğu üzə çıxıb və onun avtomobili təqib zamanı qəzaya uğrayıb.
O, oğurluq və cinayət təşkilatında iştirakda ittiham olunub. Həbs olunan şəxs həbsdədir və onun işi üzrə ilk məhkəmə iclası martın 4-də olacaq. Polis əməkdaşları əlavə edib ki, soyğunçuluqda şübhəli bilinən bütün şəxsləri axtarırlar və oğurlanmış 9 avtomobildən altısı tapılaraq dilerə qaytarılıb.