Xəbərlər 22.11.2023 09:37 1304

BSU-da YAP-ın yaradılmasının 31-ci ildönümünə həsr olunmuş tədbir keçirilib

Noyabrın 21-də Bakı Slavyan Universitetində (BSU) Yeni Azərbaycan Partiyasının (YAP) yaradılmasının 31-ci ildönümünə həsr olunmuş tədbir keçirilib.

Əvvəlcə tədbir iştirakçıları Ümummilli lider Heydər Əliyevin büstünü ziyarət edib, Ulu Öndərin əziz xatirəsini dərin hörmət və ehtiramla anıblar.

Tədbirdə Dövlət Himni səsləndirilib, Ulu Öndər Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərimizin xatirəsi bir dəqiqəlik sükutla yad edilib.

Sonra YAP-ın 31 illik fəaliyyətini əks etdirən videoçarx nümayiş olunub.

BSU-nun rektoru Anar Nağıyev çıxışında məhz 31 il öncə bu tarixdə dövrün çətin bir dönəmində-tənəzzül etmiş iqtisadiyyatı, işğala məruz qalmış ölkəni tamamilə yeni bir mərhələyə çıxaracaq siyasi hərəkatın başlanğıcının qoyulduğunu diqqətə çatdırıb. Rektor bu prosesin əsasının ötən əsrin 70-80-ci illərində Ulu Öndərin gələcək Azərbaycan üçün formalaşdırdığı təməllərin nəticəsində qoyulduğunu qeyd edib. Anar Nağıyev Ümummilli Lider Heydər Əliyevin "Yeni Azərbaycan Partiyası dünənin, bu günün və gələcəyin partiyasıdır" fikrinin xüsusi əhəmiyyətindən söz açaraq, YAP-ın Azərbaycana xas olan bütün dəyərlərini özündə ehtiva edən, ölkəmizi parlaq gələcəyə aparan partiya olduğunu deyib. YAP-ın yaranmasının 31- ci ildönümünü dünyanın zəfər çalmış xalqlarından, dünyanın ən nüfuzlu ölkəsinin vətəndaşlarından biri olaraq qeyd etməkdən qürur duyduğumuzu dilə gətirib. O, ideologiyası Azərbaycan məfkurəsi üzərində qurulan YAP-ın Cənubi Qafqazın ən böyük partiyası olduğunu vurğulayıb. Buna görə də YAP-ın sadəcə Azərbaycanın taleyi ilə bağlı deyil, daha geniş regionun inkişafı üçün qərarlar verə biləcək bir partiya olduğunu deyib.

Rektor yarandığı ilk dövrdən başlayaraq partiyanın namizədlərinin qələbə qazandığını, həmin qələbələrin qətiyyətli qələbələr olduğunu bildirib. O, partiyanın yaradıcısı olan Ulu Öndər Heydər Əliyevin, partiyanın sədri, Prezident İlham Əliyevin müxtəlif dövrlərdə Azərbaycan Respublikasında Prezident seçkilərində ən yüksək göstəricilərlə qalib gəlməsinin partiyanın nüfuzunun sübutu olduğunu qeyd edib.

Noyabr ayının Azərbaycan tarixi üçün çox üçün çox əlamətdar günlərlə yadda qaldığını vurğulayan rektor 9 noyabr-Bayraq Gününün, 12 noyabr-Konstitusiya Gününün, Müzəffər Ali Baş Komandan İlham Əliyevin rəhbərliyi ilə qazanılan Zəfərin tarixi əhəmiyyətindən söz açıb.

Anar Nağıyev çıxışında Azərbaycan Respublikasının Birinci xanımı Mehriban Əliyevanın noyabrın 15-də İstanbulda keçirilən dövlət və hökumət başçılarının xanımlarının “Fələstin üçün tək ürək” toplantısının iştirakçılarına müraciətindən “Çıxışımın sonunda vurğulamaq istərdim ki, ən çətin məqamlarda belə bəşəriyyət mərhəmət hissini itirməməlidir” fikrini xatırladıb. Bu müraciətin hər kəs üçün vacib əhəmiyyət daşıdığını qeyd edib. Rektor bu fikrin Prezident İlham Əliyevin irəli sürdüyü müharibə və post-müharibə dövründə Azərbaycan ləyaqətli müharibə aparması fikri ilə uzlaşdığını deyib.

Rektor çıxışını "Mən fəxr edirəm ki, Azərbaycanlıyam ifadəsi" böyük anlamda hər birimizi vahid birliyə gətirərək "Dəmir Yumruq" olaraq Azərbaycanın düşmənlərinin qarşısını almaqla gələcəyə işıq salır" fikri ilə sonlandırıb.

YAP Nəsimi rayon təşkilatını sədri Azər Süleymanov YAP-ın ölkənin ciddi sınaqlara məruz qaldığı bir dövrdə yaradıdığını qeyd edib. Azər Slüyemanov YAP-ın yaranama tarixinə ekskurs edərək, Ulu Öndər Heydər Əliyevin müəllifi olduğu Azərbaycançılıq ideologiyasının hər kəsi vahid ideologiya ətrafında birləşdirdiyini vurğulayıb. YAP Nəsimi rayon təşkilatını sədri Ümummilli lider Heydər Əliyev tərəfindən müəyyən edilmiş, Prezident İlham Əliyev tərəfindən uğurla davam etdirilən siyasi kursun nəticələrindən söz açıb.

Jurnalistika kafedrasının müdiri Vüqar Rəhimzadə çıxışında bu günün Azərbaycan ictimai-siyasi həyatında yadda qalan günlərdən biri olduğunu qeyd edərək, “91”-lərin nümayəndələrindən biri kimi həmin dövrlə bağlı öz xatirələrini bölüşüb. O, YAP-ın müasir dövrdə beynəlxalq aləmdə tanınan nüfuzlu partiyalar sırasına daxil olduğunu deyib.

Pedaqogika və psixologiya kafedrasının müdiri Piralı Əliyev Ulu Öndər Heydər Əliyevin YAP-ın yaranması ilə bağlı irəli sürdüyü tezislərin əhəmiyyətindən söz açıb. Partiyanın proqram və nizamnaməsindən danışan Piralı Əliyev Prezident İlham Əliyevin sədrliyi ilə partiyanın aydın ideyalarının daim yaşayacağını bildirib.

Çıxışlardan sonra YAP-a yeni üzv olan BSU-nun fəal tələbələrinə üzvlük vəsiqələri təqdim olunub. Tədbir YAP-ın himninin səsləndirilməsi ilə yekunlaşıb.

 


Paylaş
QHT TV
Elanlar
Son xəbərlər
Qrantlar
Təbriklər
Başsağlığı