Xəbərlər 05.09.2023 00:10 2824

Təşkilat Quba rayon Xınalıq kənd sakinlərini sevindirib - FOTO

Cəmiyyətimizin ən həssas təbəqələrinə yardım əlini uzadan “Əlil və Aztəminatlı Ailələrə İctimai Dəstək” Fondu Quba rayonunun Xınalıq kəndində yaşayan ailələri sevindirən tədbir təşkil edib.

QHT.az xəbər verir ki, bu barədə təşkilatın sədri Gülbəniz Bayramova məlumat verib. Görüş həm də ailələrə emosional dəstək olmaq, onların cəmiyyətin bir parçası olduqlarını hiss etmək məqsədi daşıyırdı. Bu gözəl təşəbbüs ailələri ərzaq sovqatı ilə dəstəkləsə də, uşaqlara məktəb çantaları və məktəb ləvazimatları hədiyyə etməklə ümidli gələcəyə töhfə verib. Bu jest uşaqların təhsilə daha yaxşı başlamasına və gələcəkdə daha çox imkanlara sahib olmasına dəstək olmaq üçün edilib. Təhsil hər bir uşağın ən əsas hüququdur və buna görə də fond onların məktəb həyatını asanlaşdırmağa çalışıb.

Qeyd edək ki, kənd yerlərində yaşayan ailələr bəzən iqtisadi çətinliklər və digər səbəblərdən əsas ehtiyaclarını ödəməkdə çətinlik çəkirlər. Bu ailələrdə əlillər də ola bilər və onların xüsusilə dəstəyə ehtiyacı var. “Əlil və Aztəminatlı Ailələrə İctimai Dəstək” Fondu bu ailələrə yardım əlini uzatmaq, həyatlarını bir az da asanlaşdırmaq məqsədilə fəaliyyətini davam etdirir.

 

Pərvanə Fərhadqızı

Fotolar


Paylaş
QHT TV
Elanlar
Son xəbərlər
Qrantlar
Təbriklər
Başsağlığı