Tayvanda baş verən zəlzələdə 4 nəfər həlak olub
Tayvan sahillərində baş verən güclü zəlzələ nəticəsində azı 4 nəfər ölüb, ən azı 97 nəfər yaralanıb.
QHT.az xəbər verir ki, bu gün yerli vaxtla saat 07:58-də Hualien qraflığında baş verən 7,2 bal gücündə zəlzələ bütün Tayvanda hiss olunub. Yerli seysmoloqların məlumatına görə, yeraltı təkanların episentri adanın şərq sahillərində, Hualien şəhərindən 25 km cənub-şərqdə, mənbə 15,5 km dərinlikdə yerləşib. Bundan sonra sözügedən ərazidə 20-dən çox afterşok qeydə alınıb.