QHT TV-nin sosial şəbəkə hesablarından "İctimai Baxış" proqramının növbəti canlı yayımı reallaşıb. Bu dəfəki müzakirə mövzusu “Pandemiya şəraitində SƏHİYYƏ və TƏHSİL sistemimiz: reallıqlar və gözləntilər” olub. Azərbaycan Gənc Alim, Aspirant və Magistrlər Cəmiyyətinin sədri, Təhsil Nazirliyi yanında İctimai Şuranın məsul katibi, fəlsəfə doktoru İlqar Orucov və “Pediatrik kardiologiya və revmatologiya” ictimai birliyinin sədri, tibb elmləri üzrə fəlsəfə doktoru Sveta Rəfiyeva öz fikirlərini skype vasitəsi ilə bildiriblər. Xatırladaq ki, canlı yayım Azərbaycan Respublikasının Prezidenti yanında QHT-lərə Dövlət Dəstəyi Şurasının dəstəyi ilə “İnformasiya Təşəbbüslərinə Dəstək” İctimai Birliyi tərəfindən “Evdə qalaq, bilgi alaq” aksiyası çərçivəsində “Koronavirus pandemiyası dövründə vətəndaş cəmiyyəti təşkilatlarının fəaliyyətinin onlayn təbliği” layihəsi çərçivəsində baş tutub.