Xəbərlər 22.04.2024 10:36 1184

“E-sosial” portalının 1 milyon 520 minədək aktiv istifadəçisi var

Əmək və Əhalinin Sosial Müdafiəsi Nazirliyinin 2019-cu ildə istifadəyə verilən “e-sosial” internet portalının hazırda 1 milyon 520 minədək aktiv istifadəçisi var.

 

Geniş funksionallığa malik “e-sosial” internet portalı ölkənin vahid sosial reyestri olmaqla, vətəndaşlara onlar barədə toplanmış bütün sosial məlumatlara (əmək müqaviləsi, fərdi uçot, pensiya kapitalı, sosial təminat və s. üzrə) çıxış və sosial-əmək hüquqlarının təminatına nəzarət imkanı yaradır.

 

Portal üzərindən həmçinin pensiya, müavinət, təqaüd, əlillik, reabilitasiya, məşğulluq, iş yeri və s. barədə 30-dan çox növdə elektron arayış əldə etmək mümkündür.

 

Qeyd edilənlərin nəticəsi olaraq portala maraq daim artmaqda davam edir. Ötən dövrdə “e-sosial” internet portalından istifadə sayı 82,7 milyonu ötüb.


Paylaş
QHT TV
Elanlar
Son xəbərlər
Qrantlar
Təbriklər
Başsağlığı