Azərbaycan Dövlət İqtisad Universiteti (UNEC) “The Times Higher Education” təşkilatının 2025-ci il üzrə Dayanıqlı İnkişaf Məqsədləri (SDG) üzrə Impact Rankings nəticələrinə əsasən dünyanın TOP 1000 universiteti sırasında yer alıb.

QHT.az xəbər verir ki, 2024-cü ildə UNEC bu reytinqdə 1001–1500-ci yerdə qərarlaşmışdı. 2025-ci ildə isə 801–1000 aralığına yüksəlib. Bu nəticə UNEC-in son illərdə həyata keçirdiyi dayanıqlı inkişaf, rəqəmsallaşma, sosial məsuliyyət və beynəlxalqlaşma istiqamətində atdığı addımların beynəlxalq səviyyədə tanınmasının göstəricisidir.