3 aprel 2025-ci il tarixində 31 mart Azərbaycanlıların Soyqırımı gününün 107-ci, Şanlı Aprel döyüşlərinin 9-cu ildönü ilə əlaqədar Bakı Dövlət Universitetinin və “Qayıdış” İctimai Birliyinin birgə təşkilatçılığı ilə “VƏTƏN FƏDAİLƏRİ” layihəsinin rəhbəri, AYB-nin və AJB-nin üzvü Manya Səxavətqızı ilə görüş keçirildi.

QHT.az xəbər verir ki, görüşdə BDU-nin müəllim və tələbə heyəti ilə yanaşı deputat Ülviyyə Həmzəyeva və digər qonaqlar iştirak edirdilər. Tədbirin moderatoru Humanitar məsələlər və gənclər siyasəti şöbəsinin müdiri Ramin Səmədov tədbiri şəhidlərimizin əziz xatirəsini bir dəqiqəlik sükut ilə və Azərbaycan Dövlət Himni ilə açıq elan etdikdən sonra, ilk olaraq Bakı Dövlət Universitetinin Beynəlxalq əlaqələr üzrə prorektoru Şahin Pənahov görüşün əhəmiyyətini vurğuladı.Azərbaycan Respublikasının Milli Məclisinin deputatı Ülviyyə Həmzəyeva öz dəyərli fikirlərini bölüşərək bu kimi kitabların yazılmasının, tədbirlərin keçirilməsinin xalqın gələcəyi üçün nə qədər önəmli olduğunu vurğuladı. “VƏTƏN FƏDAİLƏRİ” layihəsinin rəhbəri yazıçı, jurnalist Manya Səxavətqızı və layihənin dəstəkçisi Şahin Məmmədov ərsəyə gətirdikləri kitablar barədə məlumat verdilər və kitabları təqdim etdilər. Görüşün təşkilatçısı “Qayıdış” İB sədri Hasil Tağıyev bu kimi kitabların və görüşlərin gənclərdə vətənpərvərlik hissinin aşılanması üçün vacibliyini vurğuladı. Tədbirin sonunda tələbələrə hədiyyələr verildi və xatirə şəkili çəkildi.

Vətənin sabahı olan gənclərin gözlərində vətənə sevgini görmək ən gözəl duyğudur.