Masallı boksçuları Bakıdakı turnirdə 7 medal qazanıblar 

Bakıda yeniyetmə və gənclər arasında keçirilən boks turnirində Masallı idmançıları 7 medala sahib olublar. 
Müşfiqabad İdman Sağlamlıq Mərkəzinin təşkilatçılığı ilə baş tutan yarışlarda Sahil Cəbiyev (38 kq), Məhəmməd Mirzəyev (44 kq), Rüstəm Cəbiyev (46 kq), Elmir Mənsimov, Səccad Məmmədov, Mircəfər Həsənov (48 kq) fəxri kürsünün birinci, Eynulla Cəbiyev (38 kq) isə ikinci pilləsində qərarlaşıb.
Qalib idmançılar təşkilat komitəsinin müvafiq dərəcəli diplom və medalları ilə təltif olunublar.  
Masallılı  dəri əlcək ustalarını yarışlara “Boradigah İdman Zalı” MMC-nin məşqçi-müəllimi Nizaməddin Mehtiyev hazırlayıb.

Akif AĞAYEV