Bu gün Bakı şəhərində deputat Vüqar Bayramov, sakinlərin qəbuluna qatılıb. Görüş zamanı 10-dan çox vətəndaşın müxtəlif məsələlər üzrə qayğıları dinlənilib. Vüqar Bayramov, qəbulda müzakirə olunan müraciətlərin əsasən mənzil təminatı, məşğulluq, səhiyyə xidməti, sosial təminat və digər mövzular ətrafında cəmləşdiyini bildirib.

QHT.az xəbər verir ki, Deputat, vətəndaşların müraciətləri ilə bağlı bəzi qərarların qəbul edildiyini qeyd edib. Eyni zamanda, müvafiq dövlət qurumlarının dəstəyinə ehtiyac olan məsələlər üzrə rəsmi deputat sorğularının göndəriləcəyini vurğulayıb. Vüqar Bayramov, oktyabrın ikinci yarısında Horadiz şəhərində keçiriləcək növbəti görüşünə də diqqət çəkib. İştirak etmək istəyən həmyerlilərinin, deputat köməkçisi Eltun Agakishiyev (0502268002) ilə əlaqə saxlamaqla öncədən qeydiyyatdan keçə biləcəyini bildirib.

Deputat, sakinlərin problemlərinə həssas yanaşmağın və onların həlli istiqamətində konkret addımlar atmağın önəmli olduğunu vurğulayıb.