Vəli İsrafilov para-üzgüçülük üzrə dünya seriyasında gümüş medal  qazanıb

 

Milli Paralimpiya Komitəsinin üzgüçülük idman növü üzrə milli komandasının üzvü Vəli İsrafilov Almaniyanın paytaxtı Berlin şəhərində keçirilən para-üzgüçülük üzrə dünya seriyası (9-15 may) yarışında 200 metr məsafəyə brass üsulu ilə üzmədə 02.25.93 nəticə göstərərək gümüş medala sahib olub.
Qeyd edək ki, Azərbaycan paralimpiya millisinin 21 yaşlı üzvü Vəli İsrafilov paralimpiya və dünya çempionudur. 

 

Akif AĞAYEV