Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi brifinq zamanı bildirib ki, ABŞ Çini xüsusi əməliyyatı dəstəkləməməyə çağırmaqda davam etmək niyyətindədir. Bu barədə TASS məlumat yayıb.

QHT.az xəbər verir ki, “Əlbəttə, biz Çin tərəfinə aydınlaşdırdıq ki, indi Rusiyanı dəstəkləməyin vaxtı deyil. Çin tərəfi ilə belə danışıqlarımızı davam etdiririk”, - Kirbi bildirib.

Qeyd olunur ki, Vaşinqton ABŞ sanksiyalarını pozan şirkətlərə qarşı tədbir görmək niyyətindədir.

Bundan əvvəl Çinin BMT-dəki nümayəndəsi Zhang Jun bildirib ki, Ukraynadakı hazırkı böhran Avropada uzunmüddətli təhlükəsizlik balansının pozulmasının nəticəsidir.

Hazırda Ukraynada Rusiya Federasiyası Silahlı Qüvvələrinin xüsusi əməliyyatı davam edir. Bunu fevralın 24-də Rusiya prezidenti Vladimir Putin bəyan edib. Onun sözlərinə görə, hərbi əməliyyatın məqsədi qonşu ölkəni demilitarizasiya etmək və onun hakimiyyətini denazifikasiya etməkdir.