Rusiya prezidenti Vladimir Putin Rusiya hökumətinə martın 31-dək Donetsk, Luqansk, Xerson və Zaporojye vilayətlərinin sosial-iqtisadi inkişafı proqramlarını təsdiq etməyi tapşırıb. Müvafiq sənəd Kremlin saytında dərc olunub.

QHT.az xəbər verir ki,“Rusiya Federasiyası Hökuməti Donetsk Xalq Respublikasının, Luqansk Xalq Respublikasının, Zaporojye və Xerson vilayətlərinin icra hakimiyyətləri ilə birlikdə Rusiya Federasiyasının bu subyektlərinin sosial-iqtisadi inkişafı proqramlarını təsdiq etsin. Rusiya Federasiyasının bu subyektləri tərəfindən 2030-cu ildən gec olmayaraq Rusiya Federasiyası vətəndaşlarının həyat səviyyəsinin və ümumrusiya sosial-iqtisadi inkişafının orta Rusiya göstəriciləri”, - sərəncamın mətnində deyilir.

Rusiya liderinin sərəncamında deyilir ki, 2030-cu ilə qədər yeni regionlarda Rusiya üzrə orta göstəriciləri təmin etmək lazımdır. Martın 31-dək görülən işlərlə bağlı hesabat verilməli, sonra isə altı aydan bir məlumat verilməlidir. Sərəncamın icrasına cavabdeh Baş nazir Mixail Mişustin və Rusiyanın yeni regionlarının rəhbərləri Denis Puşilin, Leonid Paseçnik, Yevgeni Balitski və Vladimir Saldo təyin edilib.

Yanvarın 26-da Rusiyanın baş naziri Mixail Mişustin hökumətin iclasında martın 1-dən yeni regionların sakinlərinə pensiyaların Rusiya standartlarına uyğun təyin olunacağını elan edib.

Həmin gün Rusiya Nazirlər Kabineti yeni regionlar üçün yaşayış minimumunun hesablanması üçün xüsusi prosedur təklif edib.