Bir yaşlı uşaq hava təcili yardım helikopteri ilə Moskva xəstəxanalarından birinə aparılıb. O, Moskva yaxınlığındakı Şaturada uşaq klinikasının eyvanında kəllə-beyin travması alıb. Bu barədə “Typical Shatura” Telegram kanalı məlumat yayıb.

QHT.az xəbər verir ki, hadisə yanvarın 24-də baş verib. Qucağında bir yaşlı uşaq olan şəhər sakini uşaq poliklinikasına gedən pilləkəndə sürüşüb. Yıxılma nəticəsində uşaq xəsarət alıb, təcili xəstəxanaya yerləşdirilməsini tələb edib.

İstintaq Komitəsi hadisədən sonra yoxlamaya başlayıb.

Bundan əvvəl hamilə qadının Yekaterinburqa təcili tibbi yardım helikopteri ilə çatdırıldığı bildirilirdi.