Quraşdırılmış Windows brauzeri silmək mümkün deyil - ÖZƏL
Windows əməliyyat sisteminin istifadəçiləri əməliyyat sisteminə quraşdırılmış Edge brauzerinin çıxarılmasının qeyri-mümkün olmasından şikayətləniblər. Bu barədə “Windows Central” məlumat yayıb.
QHT.az xəbər verir ki, “Windows 11-də Edge brauzeri işarəsi əl ilə silindikdən sonra masaüstündə yenidən görünür. Bu, onun standart brauzer kimi təyin edilib-edilməməsindən asılı olmayaraq baş verir”, - məqalədə deyilir.
Reddit-də şərhlərdə bəzi ƏS (əməliyyət sistemi) istifadəçiləri Edge qısa yolunun proqramı tamamilə sildikdən sonra iş masasında bir neçə dəfə göründüyünü bildirdilər.
Şərh yazanlardan biri qeyd edib ki, hər dəfə kompüteri işə saldıqda Edge qısayolunu yenidən silməli olur.
Çoxları zarafatla qeyd etdi ki, bu yolla Microsoft həqiqətən də istifadəçiləri öz brauzerinə keçməyə məcbur etmək istəyir. “Microsoft” mühəndisləri problemi təsdiqləyib və onların həlli üzərində işlədiklərini bildiriblər.
Əvvəllər Windows 11 versiyası 22H2 əməliyyat sisteminin istifadəçiləri növbəti yeniləmələri quraşdırdıqdan sonra proqramlarla bağlı çoxsaylı problemlərdən şikayətlənirdilər.